தமிழ் மூச்சு

உதட்டின் முதல் ஸ்ருதி...
அம்மா

ஸ்ருதிகள் பல கற்று
வார்த்தைகள் பல பயின்று
மொழிகள் பல மொழிந்து...
"அம்மா"வின் அருமையை
அந்த சொல்லோடு மறக்கும்
குழந்தை...
வளர்கிறது ஆங்கிலத்தின் அறிவியலில்..
தேய்கிறது அன்பான பண்புகள்..
இழக்கிறது அழகான கலாச்சாரத்தை..
தொலைக்கிறது அமைதியான வாழ்வை...

எண்ணி வியந்து
தமிழை காக்க
கவிதை எழுத
வெட்க்கப்படுகிறேன்...

தமிழாகிய மூச்சை சுவாசிக்க
மறந்ததால்...
வாழ்கிறோம்
நன்றி கெட்டு..
சூழ்ச்சி தொட்டு..
சுகம் தொலைத்து..
சோகம் தொட்டு
நடை பிணமாய்...

நாம் பெருமையுடன் சுவாசிக்க கூடிய
தமிழ் மூச்சு
இன்று பெருமைகொள்ளும் அருங்காட்சியகத்தின்
முக்கிய பேச்சு...